Manolah tokok uang Dubalang

Nan diam di imbo bateh, non lolok di banie bolingkuong

non bokalambu esam, bo pogalang puntung

Non tau di sumbang dengan salah

Kok bosuo curi jo maling, tikam bunuh non tojadi

Uang Dubalang non ke tau dolu.

Sobob uang Dubalang, uang gagah uang borani

Monjompuk jopuk to bao, tido dapek botangguh lai.

Non bomato tajam botolingo nyaring

Non lolok siang bojago malam

Non monahan sopik dengan gunting

Monahan godam jo gergaji.

Jiko matonyo tahan paek, lidahnyo tahan gergaji

Silek putuh jangek monahan, botukuk pulo dengan dayo godang

Non momakai sonjato tajam

Bisa inyo maomancung iduk-iduk, minum darah togak-togak.

Ko paik paga dalam nogori, ko ponjago korong jo kampung

Salang sengketo mak jen tumbuh, cokak jo bantah mak jen tojadi

Kok tojadi juo non bak itu, bosuo juo non bak kian

Kapa bo tenden dari ulu, pasang monimpo dari muaro

Kok lai tosuo robuk jo rampeh, Kok lai songketo non ko di adang,

cokak jo kolahi non bosuo, tikam bunuh nin tojadi,

uang Dubalang non kotibo.

Mano dek uang Dubalang

Kok lunak inyo ke monyudu, koreh inyo ko monakik

Oso ilang duo tobilang, inyo tido ke mo imbang lawan

Kok luko tido ko monyeuk, mati tido ke monyosa

Non itu tokok uang Dubalang.

Sumber: https://ajiramiazawa.wordpress.com

(Visited 3 times, 1 visits today)

Leave a Reply