Manolah dek Ninik Mamak;

Lah di gonang sosayak ayie,  digantuong so eto tali,

Di kombang koka kan dalam nogoi,  kopado cucu komanakan masing-masing.

Jadi manolah non pasa biaso nan kito buek,  solauk solamo iko

Solamo rantau nan baturuk kampung nan bo unyi,  lah basosok lah bojorami,

lah bo tungguo, lah pamarasan.

 

Iyo kok tibo di potang ko bolimou,  kito turun dari umah aleh bakaran datuk Jinaro.

Jadi manolah tontang dek uang Kayo Bonsu.

Kok Jawuoh Ninik Mamak lah dijopuk,  kok dokek lah di imbau,

soroto cerdik pandai dalam nogoi.

 

Jadi iko nampaknyo,  kok di jopuk iyolah datang,  kok di imbou iyo lah tibo,

kok ponek iyolah bonti, minum ayie po ubek auh.

Lah di tating sirih so kapuo kopado Ninik Mamak.

Manolah tujuan mokosuknyo,  ateh cucu komanakan kito bosamo.

Kok upo nak moliek,  kok bunyi nak mondonga,  nak boiring panjang bagoba loeh.

 

JAWAB:

 

Lah macom itu kondak ati cucu komanakan kito masing-masing,

iyo di kami tu,

indo pulo kopanjang jawab do.

Kami toimo ati nan suci,  muko non jenieh.

Lah ujuong nan balayie,  lah pulou nan monanti,

Iyo,  samo-samo poilah kito.

Sumber: https://ajiramiazawa.wordpress.com

(Visited 2 times, 1 visits today)

Leave a Reply